Алдағы уақытта "Томирис" атты тарихи-эпикалық экшн-фильмді түсіру жоспарда бар.
Бұл туралы Астанада өткен жиындардың бірінде Шәкен Айманов атындағы "Қазақфильм" АҚ президенті Ермек Аманшаев мәлім етті.
Оның айтуынша, аталған жобаға Голливудтың мамандары қатысады. Фильм әлемдік киноформатында түсірілмек.
"Ал анимация саласына келер болсақ, балаларға арналған "Асықтың тарихы" атты жоба бар. Ол ежелгі ұлттық ойынымыздың бүгінге жалғасқан әдемі дәстүрін баяндайды. Сондай-ақ "Жаужүрек мың бала" анимациялық сериалын шығару жоспарланып отыр", - дейді Е.Аманшаев.