DataLife Engine / Елбасы Нұрсұлтан Назарбаев Қазақстан халқына Жолдауын жариялады (видео)

Елбасы Нұрсұлтан Назарбаев Қазақстан халқына Жолдауын жариялады (видео)

Елбасы Нұрсұлтан Назарбаев Қазақстан халқына кезекті Жолдауын арнады. Мемлекет басшысының Жолдауы – бірнеше бағытқа бөлінген кешенді жоспарлардың жиынтығы. Жолдаудың бірінші бөлімі алдыңғы қатарлы 30 мемлекеттің тізіміне ену мәселесіне бағытталды. Мұндағы басты күш экономикаға тиесілі. Экономикалық ынтымақтастық және даму ұйымының жұмыс барысын елімізге енгізіп, жалпы ішкі өнімнің көрсеткішін жыл сайын 4 пайызға арттыру қажет. Инвестиция көзін екі есеге көбейтіп, ғылыми жобаларды қаржыландыруды 3 пайызға арттыруымыз тиіс. 2050 жылға дейін шағын және орта бизнестің үлесі жалпы ішкі өнімнің басым бөлігін құрауы керек. Бұл дегеніміз – жалпы ішкі өнім 4,5 пайызға өсіп, қала тұрғындарының көрсеткіші 55 пайыздан 70 пайызға жетеді деген сөз. Азаматтарымыздың орташа өмір сүру ұзақтығы 84 жасқа дейін ұлғаяды. Мұның барлығы денсаулық сақтау саласындағы мамандардың біліктілігі мен заманауи технологияның күшімен болмақ. Қазақстан медицина саласындағы туризмі дамыған алдыңғы қатарлы ел болады.

18.01.2014
Вернуться назад