Бердібек Сапарбаев аудан әкімінің үйіндегі жарықты қидыртып тастады

Бердібек Сапарбаев аудан әкімінің үйіндегі жарықты қидыртып тастады

Бердібек Сапарбаев 800-ге жуық тұрғаны бар Қайыңды ауылына 10 жылдан бері жарық тартпаған аудан əкімі мен орынбасарының үйінен жарықты қиюды тапсырды. Шаңғұтов Қайыңдының қиындығын шешкенде ғана үйінде жарық жаға алады.

Бұл туралы NUR.KZ тілшісі хабарлайды.

Мұғалжар ауданының əкімі Серік Шаңғұтов бұйрықты мақұлдағаннан басқа түк дей алған жоқ. Ауданға қарайтын Қайыңды ауылының тұрғындары XXI ғасырда қараңғылықта өмір сүріп жатыр.

"Энергожүйе 35 шақырым желіні меншікке берсе, жарықпен қамтамасыз деп отыр. Соны шеше алмайсыңдар ма? 10 жылдан бері ауыл жарықсыз отыр. Сіздің үйде жарық бар. Басқаға бас ауыртып отырған жоқсыңдар. Осы жерде жарыққа жауапты адам бар ма? Бүгіннен бастап аудан əкімі мен орынбасарының үйіндегі жарықты сөндіріңіз. Қашан Қайыңдыдағы жарықты шешеді, сол кезде қосыңыз", - деді облыс əкімі.

Мұғалжарда 4300 адам жер кезегінде тұр. Ақтөбе облысындағы жұмыссыздар саны қысқармай отырған аудан осы Шаңғұтовтың елі. Шашауы шыққан шаруа шаш етектен. Ауданда жұмыс жасап тұрған шағын кəсіпорындар саны азайған, жұмысшылары қысқарған, салық төмендеген.

"Мен негізінен газ, су, жылуға көңіл бөліп, жол сəл кешеуілдеп қалды. Қандыағашта 32 көше бар. Оның 11-не асфальт төселді", - деді Шаңғұтов.

"11 жыл əкім болып, 11 көшеге жол төсепсің. Əр жылға бір жол. Қалған көшені жөндеуің үшін саған 30 жыл керек пе?", - деген Сапарбаев сауалынан Шаңғұтов үнсіз құтылды.

дереккөз

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі