Қазақша Мақал - мәтел: Сыйластық » ZHARAR © 2016 | сыйластық туралы мақал-мәтелдер, сыйластык туралы макал казакша, сыйластық туралы макал мателдер, пословицы на казахском языке об уважении, бауырластық туралы мақал-мәтелдер, достық туралы мақал-мәтелдер, татулық туралы мақал-мәтелдер




  • »

Қазақша Мақал - мәтел: Сыйластық

Қазақша Мақал - мәтел: Сыйластық казакша Қазақша Мақал - мәтел: Сыйластық на казахском языке

«Сіз» дегеннен не кетеді,
«Сен» дегеннен не бітеді?
Мың «сіз, бізден» бір шыж-быж артық.
Сыйласқанның итіне кет дегенің,
Өзіне кет дегенің.

Иесін сыйлағанның итіне сүйек таста.
Әркім сыйлағанның құлы.
Жақсы сөзіңді сыйлар.

Жақсы - сыйлағанының құлы,
Жаман - қорыққанының құлы.
Тіріде сыйласпаған өлгенде жыласпайды.
Ел сыйлаған есікте отырмас.

Таныған жерде бай сыйлы,
Танымаған жерде тон сыйлы.

Жаман қорыққанын сыйлайды.
Жақсыны сыйласаң, есіңнен кетпейді,
Жаманды сыйласаң, есігіңнен кетпейді.

Екі кісі сыйласса,
Бір кісіге орын бар.

Сәлеміне қарай жауабы.

«Қарағым» деген жылы сөз,
Тон болып тәнді жылытпаса да, жанды жылытады.

Қиналып сұрағанға берсең,
Өзіңді сыйлағаның;
Әншейін сұрағанға берсең,
Өзіңді қорлағаның.

Ізеттінің інісі көп.

Үлкенді сыйлау - кісілік.

Сый - жеңгендікі, сөз - тергендікі.

Ерді асы үшін сыйлама,
Басы үшін сыйла.

Сынасуға жараған сыйласуға да жарайды.

Қызығын көрмеген малдан не пайда,
Сыйласып жүрмеген жаннан не пайда?

Танымас, танымасын сыйламас.

Бір күн дәм-тұзын татқанға қырық күн сәлем.

Сәлемнің де сәті бар.

Қырандарын қинаған,
Даласын да сыйламас.
Ұландарын қинаған,
Данасын да сыйламас.

Өзіңді өзің сыйламасаң,
Өзгеден сый күтпе.

Елді сыйлағаның - өзіңді сыйлағаның.
Үлкенді сен сыйласаң,
Кіші сені сыйлайды;
Кішіні сен сыйласаң,
Кісі сені сыйлайды.

Туғаныңмен сыйласпасаң,
Кең дүниеге сыймассың.

Жақыныңды жаттай сыйла,
Жат жанынан түңілсін.
Ауыл сыйласа, сен де сыйла,
Әкеңнен қалған құл емес.
Ауыл сыйламаса, сен де сыйлама,
Ол патшаның ұлы емес.

Атымды ата да, сыбағамды итке сал.

Сыйлап берген су
Сатып алған балдан тәтті.


Назад Вперед
Санат: KZ портал » Қазақша Мақал - мәтелдер жинағы | | 11 523
Рейтинг:
(голосов: 2)

.

. .