Тері «мәселелері» ішкен асыңыздан

Тері «мәселелері» ішкен асыңыздан казакша Тері «мәселелері» ішкен асыңыздан на казахском языке


Коктейлге құмар жандардың бет терісі солғын тартып, көмескіленіп кетеді. Ал сүтті латтені көп ішетін адамдардың көзінің асты мен иегінде қара дақтар пайда болатынын білесіз бе? Шоколадқа құмарлық маңдай мен екі қастың ортасында әжімнің пайда болуына «жағдай жасайды».
Терінің ерте қартаюы мен тамақтану салтының оған тигізер салдары жайында жазылған кітаптың авторы, натуропатолог-дәрігер Нигма Талиб тері «мәселелері» тамақтан екенін айтады. Теріңіздің саулығын қаласаңыз, натуропатолог-дәрігердің кеңесіне құлақ түріңіз.

Осынау мәселелердің мән-жайына қанық Нигма Талиб ішіп-жеген асымыз теріге мол әсерін тигізетінін және кейбір тағамдардың кері әсері уақыт өткізбей-ақ, бірден бетімізде анық көрінетінін айтады. Дәрігер бұл белгілерді «сүтті бет», «шарапты бет», «қантты бет», «глютенді бет» (глютен – астық тұқымдастар құрамына кіретін күрделі ақуыз) деп бірнеше түрге бөліп қарастырады екен.
«Мен адамның бетіне бір қарап-ақ оның қандай тағамды шамадан тыс жейтінін бірден білемін. Кейде кейбір адамдардың жанына барып, белгілі бір тағамды көп тұтынбауын өтініп, жеп жүрген асы оның денсаулығы мен сымбатына кері әсерін тигізіп жатқанын айтқым келеді. Белгілі бір тағамдарды тұтынғанда туындайтын ас қорыту жүйесіндегі қиындықтар болады. Жеген асыңызды ағзаңыз көтере алмауы, не жақпауы мүмкін, сондай-ақ ағзаңыз қалыпты жағдайда қорыта алатын мөлшерден көп жеп қоюыңыз да ғажап емес. Міне, соның салдарынан ағзада көптеген химиялық және гормональді өзгерістер орын алады. Ал ол өзгерістер ағзаның ерте қартаюына себепкер болады және оның белгілері бірден бетімізден көрініс табады », – дейді Нигма Талиб.
Глютен, сүт өнімдері, қант пен алкогольдің зияны мол. Олардың әрқайсысы әртүрлі әсерін тигізе отырып, терінің ерте қартаюына себепші болады. Ал белгілері терінің ерте солуы, ерте пайда болатын әжім, бөртпе, қара дақ, ісік ретінде көрініс табады. Десе де, бұл тағамдар әр адамға әрқалай әсер етеді. Кейбіреулер 1 литр сүтті сіміріп алса да, терісіне еш зияны тимеуі мүмкін. Ал енді біреулердің бір қасық сарымай жегеннен-ақ иегі бөртіп шыға келеді. Яғни әр адамның реакциясы әрқалай. Сондықтан да жалпыға бірдей бір ереже бекіту мүмкін емес. Десе де, әркім өз бет-әлпетіне қарай отырып, нақты қағидаға сүйеніп, қадам жасауына болады. Яғни косметикалық мәселелер тудырып, ерте қартаюға себепкер болатын тағамдарды азырақ тұтынуға немесе ас мәзірінен мүлде алып тасауына болады.
Ол үшін төмендегі суреттер мен кеңестерге көз жүгіртіңіз.

Шарапты бет

Негізгі белгілері: екі көз арасының қызаруы немесе анық байқалатын әжімдердің пайда болуы, қабақтың салбырауы, бет терісіндегі ұсақ тесіктердің үлкеюі, терінің құрғап, ұсақ қан тамырларының өрмекшінің өрмегіндей көрініп тұруы, екі беттің, мұрынның қызаруы және мұрын, ерін тұсындағы қатпар.
Нигма Талиб бет терісінің мұндай күйін «шарапты бет» деп атапты. Өйткені арақ-шарапқа әуес, аракідік спиртті сусындардан ұрттап қоятын жандардың беті дәл осындай жағдайда болады екен. Алкоголь – теріні құрғатып, әжімдердің пайда болуына себепкер. Бәрінен бұрын зардап шегетіні, әрі тереңдей түсетіні – мұрын мен ерін (мұрыннан ерінге қарай түсетін) тұсындағы сызықтар. Сонымен қатар алкоголь құрамында қант көп. Ал оның әсері бет терісіндегі ұсақ тесіктердің кеңеюіне, қабақтың солыңқы көрініп, төменге салбырауына «жағдай» туғызады. Осылайша бет терісі шаршаңқы, әрі табиғи жасыңыздан әлдеқайда кәрі көрінеді.
Екі көздің арасындағы тұс бауыр қызметімен тығыз байланысты. Сондықтан да бауыры алкогольмен «арпалысқа» жиі түсетіндердің екі көзінің арасы қызарып, не онда терең әжімдер пайда болады.
Алкогольдің кері әсерінің алғашқы белгілері бет пен мұрынның қызаруымен білінеді. Спирт ұсақ қан тамырларын жоғары шығарып, қанның терінің беткі қабатымен жүруіне себепші болады. Осылайша бет пен мұрында қызыл түс пайда болып, егер алкогольді жиі ішсе, ұсақ қан тамырлары кеңейіп, ол қызыл шырай ұзаққа қалады. Сондықтан ағзаның одан тазаруына жағдай жасап, спиртті сусындарды тұтынуды 3 апта доғара тұру керек. Одан кейін оның мөлшерін азайтыңыз немесе мүлде жоламағаныңыз жөн.

Қантты бет

Негізгі белгілері: маңдайдағы әжімдер, көздің астындағы көлкілдеген ісіктер, беттің солыңқы тартқан, шаршаңқы жағдайы, безеулер, терінің бозғылт тартуы.
Егер қантты, сондай-ақ торт, тәтті тоқаштар мен ақ күрішті (ол – өңдеудің бар түрінен өткен күріш) үнемі қолданатын болсаңыз, теріңіздің жас қалпын ұзақ сақтап қалмасы айдан анық.
Глюкозаның артық молекулалары коллагенге жабысып, оның иілгіш, жұмсақ талшықтарын қатайтып, сірестіріп қояды. Соның салдарынан тері салбырап қалады. Сондай-ақ әжімдер уақытынан бұрын пайда болады. Әсіресе, көздің астындағы жұқа тері алдымен зардап шегеді.
Ас қорыту жүйесінің жұмысын маңдайымыздан анық көруге болады. Тәттіге құмар жандардың маңдайын безеу басып, не әжімденіп кетеді.
Артық қант майдың бөлуіне әсерін тигізеді. Сондықтан тәттіқұмарлардың түрі солыңқы, жүдеу көрінеді. Өйткені қанттың әсерінен теріні тегіс, «толымды» көрсететін май жоғалады. Сонымен қатар қанттың әсерінен терінің түсі жердің ақ шаңы сияқты реңге боялады.
Қантты шамадан тыс жеу өзге қызметтерінен бөлек, қастың өсуін қадағалайтын бүйрек безіне салмақ түсіреді. Сондықтан қасы жұқа жандардың қантқа әуестігін доғарғандары жөн.

Сүтті бет

Негізгі белгілері: ісіңкі қабақ, көздің астындағы қара дақтар мен салбыраған ісіктер, ұсақ ақ дақтар мен иектің тегіс, бірқалыпты болмауы.
Бұл белгілер ағзаңыздың сіз тұтынған сүт өнімдерін қорыту үшін арпалысатынын білдіреді.
Сүттегі лактозаны (сүт қантын) қорытатын ағзадағы ферменттер азайған уақытта, яғни жас ұлғайған шақта «сүтті бет» мәселелері пайда болады.
Бір стакан сүттің құрамында жиырмадан астам гормондар мен химиялық заттар болуы мүмкін. Ал олардың кейбіреуі табиғатта кездессе, ендігі бөлігі – сиырлардың жеген қорегі: антибиотиктер, түрлі ауруларға қарсы препараттар. Міне, осылар адам ағзасындағы гормондар тепе-теңдігінің бұзылып, жасушалардың шамадан тыс өсуіне себепші болады. Ал олар өз кезегінде терідегі ұсақ тесіктердің жабылуына, бет терісінде бактериялардың тұрақтап қалуына жағдай туғызады.
Бет терісіндегі сүт-безеулері иек тұсында көбейеді. Репродуктивті органдар жүйесінің жұмысын иегіңізге қарап білуге болады. Гормондар тепе-теңсіздігі салдарынан иекте түрлі дақтар пайда болады.

Глютенді бет

Негізгі белгілері: беттің қызарып, ісуі, беттегі және иектегі қара дақтар.
Көпшілігіміздің ағзамыз астық тұқымдастар құрамына кіретін күрделі ақуызға, яғни глютенге тым сезімтал келеді. Десе де, мұны өзіміз аңғара бермейміз. Тіпті оның салдары бетімізде анық көрініп тұрса да, оған назар аудармаймыз.
Глютен теріні бояушы клеткаларға және жыныстық гормондарға да әсерін тигізеді. Соның салдарынан қара дақтар пайда болады. Ал глютенді бет белгілерін ешқандай косметикалық құралдармен, пилингпен де жоя алмайсыз. Қара дақтардан арылу үшін ас мәзіріндегі глютен мөлшерін азайту керек. сонымен қатар көбірек су ішіп, құрамы жасұныққа (клетчатка) бай өнімдерді көбірек тұтыну керек. Сонда беттің ісігі басылып, терінің түсі біркелкіленеді.




KZ » Пайдалы кеңестер жинағы » Денсаулыққа пайдалы кеңес жинағы, пайда, дақтар, терінің, белгілері, Нигма, Талиб, әсерін, Сондықтан, жандардың, көздің, натуропатолог, Негізгі, салдарынан, беттің, мүмкін, терісіндегі, айтады, себепші, көрініп, пайда, дақтар, терінің, белгілері, Нигма, Талиб, әсерін, Сондықтан, жандардың, көздің, натуропатолог, Негізгі, салдарынан, беттің, мүмкін, терісіндегі, айтады, себепші, көрініп, Тері «мәселелері» ішкен асыңыздан