Қазақша жұмбақ: Күн, ай, жұлдыз, аспан

Қазақша жұмбақ: Күн, ай, жұлдыз, аспан

Тең,тең тең киіз,
Екі ортасы кең киіз.
Аспан, жер

Бір қоян қайың тауды арқалаған,
Ертерек қоян еді марқалаған.
Жолында алтын гауһар толып жатыр,
Еш адам ала алмайды балталаған.
Күн мен сағым

Бір үйде қос сұлу қыз ағайынды,
Екеуі қызықтырған талайыңды.
Жүдемес төрт маусымда мұңаймаса,
Тұрады нұрға малып маңдайыңды.
Ай, күн


Аспан денелері туралы жұмбақтар жинағы:



Су ішінде екі жайын,
Бірі кетсе, бірі дайын.
Ай, күн

Төңірегі тең көрініп,
Теген жатыр төңкеріліп,
Жас та сиған, кәрі сиған,
Астына оның бәрі сиған.
Аспан

Дүниеде бір қарбыз бар солмайтұғын ,
Жаз шіріп, қыста үсіп тоңбайтұғын.
Жаһанның жерін,суын, жәндіктерін,
Іші кең бәрін салса толмайтұғын.
Көк, аспан

Бір түкті кілем,
Бірі түксіз кілем.
Аспан,жер

Түбі көк дария,
Іші мұнара,
Отыз шешегі.
Аспан, отыз күн

Екі тері,
Екеуі де кең тері.
Аспан, жер

Айтайын мен жұмбақ сексен сегіз,
Шешуі қиын емес ескерсеңіз.
Болады бірі өткір, бірі өтпес,
Ақылы мұны тапқан ұшан-теңіз.
Ай,күн

Ай далада ақ шатыр,
Ақ шатырдың ішінде
Қызыл көзді шал жатыр.
Аспан, күн

Жалғанда бір нәрсе бар аяқ қапты,
Ұшады кешке дейін дамыл таппай.
Күн

Табан, табан, табан ақ,
Табаны жалпақ қоян ақ.
Күлген көзі күмістен,
Келе жатыр қоян ақ.
Күн

Ар жағында орманның,
Ар жағында таулардың,
Алтын кеспек домалар.
Күн

Етегім толы сөк,
Ерте тұрсам жоқ.
Жұлдыз

Тақиям толған сөк,
Ерте тұрсам дым да жоқ.
Жұлдыз

Шым-шытыр,
Шиедей қотыр.
Жұлдыз

Біз, біз, біз едік,
Отыз арба қыз едік,
Бір тақтайға жиналдық,
Таң атқанда жоқ болдық.
Жұлдыз

Дүниеде бір алыпты көрдім күшті,
Бар салмақ дүниедегі соған түсті,
Құнарлы қуатынан тояттанып,
Әр түрлі жер бетінде жеміс пісті.
Күн

Қызыл күлше тау асады,
Ыстық нұрын шашады.
Күн

Аспанда бір айна бар,
Әлемді көріп айналар.
Күн

Ұзын-ұзын сырғанақ ,
Ұшығына кім жетер?
Асыл бесік күйкентай,
Жұмыртқасын кім табар?
Күннің батуы, шығуы

Ақ сандығым ашылды,
Ішінен дүрлер шашылды.
Күннің көзі

Ақ сандығым ашылды,
Қызарып жалын шашылды.
Күн

Жабық астында жарты күлше.
Ай


Үй астында ақ тоқым.
Ай

Көлде жүрген ақ үйрек,
Түнде бар да, күндіз жоқ.
Ай

Көп моншақ ішінде бір түйір қалам.
Ай

Керегенің басында кепкен бауыр,
Кесіп алса таусылмас неткен бауыр?!
Ай

Айдаһар күндіз жатып, түнде шығар,
Қаһарлы қалыбына әркім құмар,
Болыпты туғаннан-ақ күнмен талас,
Күнді көрсе айдаһардың жүзі солар.
Ай

Күндіз әйнегі сынады,
Түнде орнында тұрады.
Ай

Кішкентай нан барша ғаламға жетеді.
Ай

Жабықта жарты нан.
Ай

Қонақтап күнде келер су бетіне,
Пар келмес гауһар заты келбетіне.
Сәулесі су жүзінде дірілдейді,
Тамаша қарап тұрсаң суретіне.
Ай

Күндіз күннен таярмын,
Түнде әлемге аянмын.
Ай

Кейде орта, кейде толы бір тегене,
Көрінер кейде күндіз, кейде түнде,
Бетіне ақ шағыдан перде тартқан,
Балалар, ойлап қара, бұл немене?
Ай

Үй үстінде ұсақ тас.
Жұлдыз

Көп моншақ үй үстіне қойдым шашып,
Қарасам толып жатыр көзін ашып.
Үйіме сәулеленіп түссе жарық,
Кетеді әлгі моншақ бәрі қашып.
Жұлдыз

Біреуде отряд көп сан жетпейді,
Күндіз олар ешкімге көрінбейді.
Мізбақпай ұзақ түнде күзетте боп,
Тұруға бір орында ерінбейді.
Жұлдыз

Таң атқанша тары шаштым.
Жұлдыз

Бірталай тары шаштым там басына,
Әуре болып толтыра алмай қамбасына,
Қиыстырып өлеңмен жұмбақ қылдым,
Ойлағандар мәнісін аңдасында.
Жұлдыз

Бір байдың мың қойы қоздайды екен,
Біреуі біреуінен озбайды екен.
Болғанмен алтын астау, күміс күндеу,
Болғанша қиямет қайым тозбайды екен.
Жұлдыз

Атасы мен анасы,
Миллионнан көп баласы.
Жұлдыз

Алтын бәкі,
Күміс сәкі
Қырық қысырақ,
Бір сәуірік.
Күн, Шолпан, жұлдыз, ай

Бір емен, жеті терек, алты қайың,
Бұтағы толып жатыр дайым, дайым,
Ішінде шынар терек, үш қарағай,
Өңгесін айта беріп не қылайын?
Шолпан, Жетіқарақшы, Үркер, Үш таразы

Туғанда алтау едім,
Өле-өле жетеу болдым.
Үркер

Аспанда ұшып жүрген алты торғай,
Өмірбақи жүреді жерге қонбай.
Үркер

Бар ма, жоқ па, анық білмейсің,
О жоқ жерде өмір сүрмейсің.
Ауа

Бір нәрсе жер мен көктің арасында
Көрінбейді өзі түгіл қарасы да,
Білінбей жер үстінде жүрсе-дағы,
Пайдалы адамзаттың баласына.
Ауа

Салмағың бар өлшесем,
Көрінбейсің көзге сен.
Ауа


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі
Пікір жазу
Пікірлер 19
  1. Загрузка
    Загрузка 02.02.2024 12:36
    0 + 0 -
    Ншнщғщпщпщущншплпе
  2. Оқырман Жаннұр
    Оқырман Жаннұр 26.01.2023 21:30
    5 + 1 -
    Күшті жұмбақтар!
    1. Сағида
      Сағида 09.04.2023 19:06
      0 + 1 -
      Мен барлығын осы жерден аламын маған бұл сайт ұнаиды ???
  3. Оқырман мадина
    Оқырман мадина 14.04.2022 15:40
    6 + 2 -
    сіз кереметсіз
  4. Жаман
    Жаман 27.04.2021 12:55
    4 + 9 -
    Жамаааааааан
  5. Оқырман Мира
    Оқырман Мира 24.04.2021 10:15
    7 + 1 -
    Рақмет маған осы керек еді ??
  6. алым ұлдана
    алым ұлдана 15.04.2021 23:54
    2 + 4 -
    бәрін бірге жазуға болмайма
  7. Оқырман Назерке
    5 + 7 -
    Бұл өте керемет. Бірақ маған жаңылтпаш керек еді
  8. Тұралы Арнұр
    Тұралы Арнұр 28.01.2021 11:04
    4 + 5 -
    құсжрлы туралы жұмбақ
  9. Кәрімжан Каусар
    6 + 10 -
    Кәрімжан Каусар Ержанқызы
    1. алым ұлдана
      алым ұлдана 15.04.2021 23:48
      1 + 6 -
      маған жаңылтпаштар керек еді
  10. Оқырман Эльмира
    3 + 5 -
    Қалай сатып алуға болады
  11. Мирас Аден
    Мирас Аден 20.09.2016 20:38
    4 + 6 -
    керемет сайт күнде керек акпаратты осы жерден іздеймін
  12. Shugila Turagaldi
    Shugila Turagaldi 02.11.2015 15:25
    6 + 5 -
    Мен осы сабактын барлыгын осы сайттан табам кушти сайт????????????
  13. Aidos Abdrahmanov
    Aidos Abdrahmanov 17.09.2015 18:19
    9 + 5 -
    мыкты сайт
  14. Aidos Abdrahmanov
    Aidos Abdrahmanov 17.09.2015 18:18
    8 + 2 -
    мыкты
  15. Аружан Бакир
    Аружан Бакир 28.09.2014 13:48
    9 + 2 -
    Жкмбактар кушти алыде коп жумбак керек
    1. ӨтегеноАйшат
      ӨтегеноАйшат 31.01.2021 15:01
      11 + 5 -
      Я тағы керек мысалы маған кәзір Плутонға жұмбақ құрастыру керек болып тұр
  16. Талапова Лаура
    Талапова Лаура 19.09.2014 22:13
    6 + 4 -
    жақсы жұмбак маган унады