Жастарға тілек туралы Тақпақтар ✍️

Самалым менің самалым,
Ай дидар жүзді жамалым.
Сағынып сені отырмын,
Қайдасың менің, Самалым?..
 

Жанымды жылытқан көктемім,
Сен менің ақ гүлім, бар демім.
Бақшасын көктетіп жүруге
Аттанып барасың...
бар дедім.

Сен Күн сияқтысың, нұрыңды шаша білетін,
Сен жыр сияқтысың үнемі жаттап жүретін.
Сен қанатсың биіктерге самғайтын,
Сен Керімсің асыл адам ғана..

Түнімді жарық еткен айым едің,
Құлыным жар болуға дайын ба едің?
Уақыт ұшқан құстай жүйрік екен,
Мінеки, қанат қақтың, дайын болдың.

Сандуғашымсың сайраған,
Ерке құсым бақтағы.
Бауырларыңмен ойнаған
Естелігіңді сақтағың.

Қарлығашым, қарындасым, қамқорым,
Қимас көңіл сен ешкімге деуші едім.
Жүрегімнен үзілгендей тамшы өмір,
Қимасымды қидым саған, сақтай біл!

Тасты жарып бір бұлақ ағар керім,
Қасиетке баладым, кәусар дедім.
Тұнығыңды сақтағың, ақ періштем,
Құтты болсын, ақ отау мекендерің!

Қырмызы гүлдей көркемім,
Тынбай бір айтар ертегім.
Өрісім болып барасың,
Құтты да болсын өз елің!

Шашылған нұрдай шуағым,
Бойыма тағар тұмарым.
Қимасам-дағы құлынды
Теңіңе, жаным, сыйладым.

Бойтұмар – бабалардан жеткен мұрам,
Қасиеті сол – жазылған оған Құран.
Асылдарын сұқ көзден сақтау үшін
Жаратқаннан сұраған ана қыран.

Қазақтың қызы өр болған, кем болмаған,
Күміс шашбау сыңғырлап, жанды арбаған.
Қасиеті халқыңның – дәстүр мен тіл,
Білген жандар биіктерге..

Балаңдай аяулы болмас жан,
Бұл сөзде, байқағың, үлкен мән.
Аялап өсірген раушан гүлімді
Тапсырдым өзіңе, өзіңе Талғатжан.