Балаларға арналған тақпақтар туралы Тақпақтар ✍️

Көктемменен бір келген, Наурыз тойы тамаша. Табиғатым оянып, Құлпыруда жаңаша.

Наурыз келді халайық, Құтты болсын мереке. Мерекеде жандана, Арта берсін береке.

Құтты болсын, халайық, Наурызымыз кеп жеткен. Күн менен түн теңелер, Самал желі тербеткен.

Ұлыстың ұлы күнінде, Бақ-береке орнасын. Шаттық келіп жеріме, Қуаныштар жалғансын. 

Құтты болсын, қазағым, Наурыз жаңа жылың бұл. Қуанышпен тербесін, Енген жаңа күнің бұл.

Наурызымыз бұл біздің, Жылдың басы жаңа күн. Жаңа жылы қазақтың, Теңесетін күн мен түн.

Жылдың басы Әз-Наурыз, Жаңа жылым, мереке. Әрбір қазақ үйінде, Арта берсін береке.

Наурыз келді қуантып, Жанды баурап гүл көктем. Жылдың басы қазақтың, Айналаны гүлді еткен.

Оң қолымда бес саусақ,Сол қолымда бес саусақ.Алақанды ашамыз,Бесті беске қосамыз.Қайырмасы:Кел, санайық ал мұны,Нешеу болды барлығы,Нешеу болды..

Асқар тауым, әкешім, Біздерге дем беретін. Еркелетіп әрқашан, Маржан сөзін теретін.Жібек Искакова

Тәрбиелеп өсірдің, Әкетайым, асқарым. Атып таңың арайлы, Ашық болсын аспаның. Жібек Искакова

Отбасының жүрегі, Бір өзіңіз әкешім. Қорғаны сіз, тірегі, Ардақты жан әкешім! Жібек Искакова

Әкешімсіз қолдайтын, Жамандықтан қорғайтын. Ұл-қызына әспеттеп, Бар жақсысын жолдайтын. Жібек Искакова

Көңіліміз сізбенен, Шаттық әуен орнайды. Басымызға жүздеген, Жақсылықтар орнайды. Асқар таудай әкешім, Сізбенен күн балдайды. Жібек Искакова

Көңілге шаттық беретін, Қуанышын себетін. Асыл әкем, жан әкем, Сөз маржанын теретін. Жібек Искакова

Арайлы атар таңымыз, Жайқалып өсер бағымыз. Әкешім сіз өзіңіз, Жүрегіміз, жанымыз. Жібек Искакова

Жүзіңіз күліп тұратын, Шаттығымыз сіз әке. Жанымызды ұғатын, Шад күніміз сіз әке! Жібек Искакова

«Әкешім» деп— ән саламыз, «Әкешім» деп — жыр жазамыз. Сізге қарап бойды түзеп, Өзіңізбен мақтанамыз. Жібек Искакова

Күніміз сіз сөнбейтін, Көкжиектен шығатын. Әніміз сіз тербейтін, Жанымызды ұғатын. Әкетайым, асылым, Біздерді ойлап тұратын. Жібек Искакова

Сіз бар кезде әкешім, Арайлы боп таң атар. Күн күлімдеп біздерге, Қуанышпен үн қатар. Ортамызда жүрші аман, Әніміз боп жырлатар! Жібек Искакова

Әкешім-ау, әкешім, Алла жар боп болшы аман. Жүрегің мәңгі соқсын деп, Жаратқаннан сұранам. Жібек Искакова

Жанұяның жүрегі, Әкетайым өзіңіз. Маңызды әке, қашанда, Әрбір айтар сөзіңіз.

Шаршамаңыз, талмаңыз, Әкетайым, асылым. Балаларын, отбасын, Ойлап жүрер жасырын. Жібек Искакова

Асқар таудай Әкелер, Ұл-қыздарын мәпелер. Тәрбиесін көрсетіп, «Адам бол» деп жетелер.Жібек Искакова 

Өзің барда Әкешім, Бақыттымыз біздер тек. Амандықта жан Әке, Жүріңізші күлімдеп! Жібек Искакова