Әке туралы тақпақ туралы Тақпақтар ✍️

Асқар тауым, әкешім, Біздерге дем беретін. Еркелетіп әрқашан, Маржан сөзін теретін.Жібек Искакова

Тәрбиелеп өсірдің, Әкетайым, асқарым. Атып таңың арайлы, Ашық болсын аспаның. Жібек Искакова

Отбасының жүрегі, Бір өзіңіз әкешім. Қорғаны сіз, тірегі, Ардақты жан әкешім! Жібек Искакова

Әкешімсіз қолдайтын, Жамандықтан қорғайтын. Ұл-қызына әспеттеп, Бар жақсысын жолдайтын. Жібек Искакова

Көңіліміз сізбенен, Шаттық әуен орнайды. Басымызға жүздеген, Жақсылықтар орнайды. Асқар таудай әкешім, Сізбенен күн балдайды. Жібек Искакова

Көңілге шаттық беретін, Қуанышын себетін. Асыл әкем, жан әкем, Сөз маржанын теретін. Жібек Искакова

Арайлы атар таңымыз, Жайқалып өсер бағымыз. Әкешім сіз өзіңіз, Жүрегіміз, жанымыз. Жібек Искакова

Жүзіңіз күліп тұратын, Шаттығымыз сіз әке. Жанымызды ұғатын, Шад күніміз сіз әке! Жібек Искакова

«Әкешім» деп— ән саламыз, «Әкешім» деп — жыр жазамыз. Сізге қарап бойды түзеп, Өзіңізбен мақтанамыз. Жібек Искакова

Күніміз сіз сөнбейтін, Көкжиектен шығатын. Әніміз сіз тербейтін, Жанымызды ұғатын. Әкетайым, асылым, Біздерді ойлап тұратын. Жібек Искакова

Сіз бар кезде әкешім, Арайлы боп таң атар. Күн күлімдеп біздерге, Қуанышпен үн қатар. Ортамызда жүрші аман, Әніміз боп жырлатар! Жібек Искакова

Әкешім-ау, әкешім, Алла жар боп болшы аман. Жүрегің мәңгі соқсын деп, Жаратқаннан сұранам. Жібек Искакова

Жанұяның жүрегі, Әкетайым өзіңіз. Маңызды әке, қашанда, Әрбір айтар сөзіңіз.

Шаршамаңыз, талмаңыз, Әкетайым, асылым. Балаларын, отбасын, Ойлап жүрер жасырын. Жібек Искакова

Шаттығымыз сіз — Әке, Бақ гүліміз сіз — Әке. Әрбір жылы саулықта, Жасаңыз сіз — жүз, Әке! Жібек Искакова

Асқар таудай Әкелер, Ұл-қыздарын мәпелер. Тәрбиесін көрсетіп, «Адам бол» деп жетелер.Жібек Искакова 

Жүрегіміз сіз — Әке, Тірегіміз сіз— Әке. «Аман бол» деп қашанда, Тілейміз тек біз Әке! Жібек Искакова

Әкешім сен — асылсың, Көз тартатын маржандай. Әр сөзіңе біз әке, Тұра алмаймыз таңданбай. Жібек Искакова

Әкем менің — жан ізгі, Бар жақсысын арнайтын. Ұл-қызына әдемі, Өмір жолын таңдайтын. Жібек Искакова

Әке деген — Асқар тау, Таудай биік талабы. Ұл-қызына қарайтын, Мейіріммен жанары. Жібек Искакова