Қораз туралы Жұмбақтар ✍️

Басына киген тəжі бар,Таң атуын хабарлап,Тартатұғын «сазы» бар.(Қораз)

Таңертең тұр-тұрлайды,
Кешке жат деп жыр жырлайды.

Жауабы: Қораз

Ерте тұрады,
Жар шақырады.

Жауабы: Қораз

Басы тарақ,
Арты орақ.

Жауабы: Қораз

Қызылдан киген киім, басқа қалпақ,
Саусағы төртеу болған, емес жалпақ.
Үстіне неше түрлі тон жамылып,
Басады мас адамша талтақ-талтақ.

Жауабы:..

Дүниеде бір молда
Уағында азан оқиды.
Мезгілінде айқайлап,
Қайтып кеп жер шұқиды.

Жауабы: Қораз

Қызыл бұжыр айдары бар,
Қоқиланған айбары бар.
Ауық-ауық азан салып,
Өңеш керген айқайы бар.

Шашы жоқ,
Тарағы бар.
Егiнi жоқ,
Орағы бар.

Күн шықпай сап аттанды,
Қуырады апшыны.
Шырт ұйқыда жатқанды,
Оятады ащы үнi.

Басы — тарақ, арты — орақ.