Жақсы туралы Мақал-мәтелдер ✍️

Ілмек бойынша іздеу:

Мақал-мәтелдер: 340
Тақпақтар: 5
Өлеңдер: 70
Жаңылтпаштар: 5
Нақыл сөздер: 78
Құттықтау, тілектер: 15
Туындылар: 1
Әңгімелер: 10
Шығармалар: 1
Аңыздар: 1
Эсселер: 1

Жақсы көрісіп келіседі,
Жаман келісіп керіседі.
Жақсы келді дегенше, жарық келді десеңші,
Жақсылықтың ұрығын алып келді десеңші.
Жақсы қыдырып жүрер,
Қыдыры артынан шұбырып жүрер.
Жақсы қырқында толады,
Жаман қырқында солады.
Жақсы қартайса да, ақылынан танбас,
Жаман ат қартайса да, жүрісінен танбас.
Жақсы кісі текшіл,
Жаман кісі кекшіл.
Жақсы кісінің ашуы - шай орамал кепкенше.
Жақсы - суы тәтті көлмен тең,
Жаман - желі қатты шөлмен тең.
Жақсыға ерсең, жетерсің мұратқа,
Жаманға ерсең, қаларсың ұятқа.
Жақсының қадірін жақсы білер.
Жақсы болсаң - озарсың,
Жаман болсаң - азарсың.
Жақсы сынаумен жариды,
Жаман сынаумен қариды.
Атасы жақсы, көргенін айтады,
Атасы жаман, бергенін айтады.
Басыңа іс түскенде жақсы көмектесер, жаман күліп кетер.
Биік тауды алыстан көріп, түбіне барма,
Жақсының атын естіп үйіне барма.
Биікке шықсаң көзің ашылады,
Жақсымен сөйлессең көңілің ашылады.
Бір қарын майды бір құмалақ шірітеді,
Бір жақсы мың қолды ерітеді.
Бұқаның өзі қартайса да, мұрны қартаймайды.
Жақсының өзі қартайса да, көңілі қартаймайды.
Жақсы болсаң – жақын көп.
Жақсы адам жолдасынан белгілі.
Жақсы адам елдің ырысы,
Жақсы сөз жанның тынысы.
Жақсы туса елдің ырысы,
Жаңбыр жауса жердің ырысы.
Жақсы адам тауып сөйлейді,
Жаман адам қауып сөйлейді.
Жақсы қартайса, жазып қойған хаттай,
Жаман қартайса, бықсып жанған оттай.
Жақсы атын мақтар,
Жаман қатынын мақтар.