👈 қаріп өлшемі 👉

Жаман туралы Мақал-мәтелдер ✍️


Басқа: 1
Мақал-мәтелдер: 369
Тақпақтар: 2
Өлеңдер: 42
Жаңылтпаштар: 1
Нақыл сөздер: 84
Туындылар: 1
Әңгімелер: 4
Шығармалар: 1
Аңыздар: 1

Екі қатын алғанның дау үйінде,
Жаман қатын алғанның жау үйінде.
Жақсы әйел жаман еркекті ер қылады,
Жаман еркек жақсы әйелді жер қылады.
Пейілі жаманға пәле жолығады.
Алыстағы дұшпаннан,
Аңдып жүрген дос жаман.
Жын соқаннан, мың соққан жаман.
Жаманға жалынғанша,
Жат та жаныңды қарман.
Күрілдеп келген жаудан,
Күлімдеп келген жау жаман.
Тартынып үзген шабанның ісі,
Өткізіп алған жаманның ісі.
Айтқызған жаманның ісі,
Қамшылатқан шабанның ісі.
Жаман болатын жігіт, шегіншек келер,
Кедей болатын жігіт, еріншек келер.
Жақсы қатын жаман еркекті де адам етеді.
Адам жаманнан жиренбей,
Жақсыны үйренбейді.
Арзан менен қымбаттың
Базар берер нарқы бар,
Жақсы менен жаманның
Адам берер парқы бар.
Жаман мерген киік атқан жеріне
Үш рет оралар.
Жаманның күші,
Жапалаққа жетер.
Екі жақсы қас болмас,
Екі жаман дос болмас.
Жақсының басына іс түссе,
Ашынар да, ашылар.
Жаманның басына іс түссе,
Төгілер де, шайылар.
Жаманға басшы болғанша,
Жақсыға қосшы бол.
Жақсыны көрсең —
Көңілің ашылады,
Жаманды көрсең —
Көңілің басылады.
Жаманға етіңді бер,
Жамандығын қойсын деп.
Жақсыға ниетіңді бер,
Мерейі толсын деп.
Жақсының қасиеті — жарастыру,
Жаманның қасиеті— таластыру.
Жақсыға айтқан тура сөз —
Жасақ тіккен тумен тең.
Жаманға айтқан тура сөз —
Құмға төккен сумен тең.
Жақсыға айтсаң
Бітірер,
Жаманға айтсаң
Жітірер.

Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы