Жаман туралы Мақал-мәтелдер ✍️

Ілмек бойынша іздеу:

Басқа: 1
Мақал-мәтелдер: 393
Тақпақтар: 4
Өлеңдер: 69
Жаңылтпаштар: 2
Нақыл сөздер: 93
Туындылар: 1
Әңгімелер: 7
Шығармалар: 1
Аңыздар: 1

Жақсының жақсы білер сымбатын,
Жамандар қайдан білсін асыл менен қымбатын.
Ұзақ болса да, жаман болса да жол жақсы.
Жақсыда қате жоқ.
Жаманда опа жоқ.
Жаман тонның биті ащы,
Жаман кісінің тілі ащы.
Жаманнан би қойма - кесім салады,
Залымнан қарыз алма - өсім салады.
Қарамықтың дәні болғанша, бидайдың сабаны бол,
Жаман елдің жақсысы болғанша, жақсы елдің жаманы бол.
Ақылы асқан жақсыны «алысым» деп ойлама,
Ақылы жоқ жаманды «жақыным» деп ойлама.
Бір сынаған жаманды екінші қайтып қинама,
Ашуланса, мерт қылар..
Жақсыға сөз ереді,
Жаманға шөп ереді.
Жақсы менен жаманның жаны бірдей,
Арық пенен семіздің қаны бірдей.
Тоны жаманды ит қабар,
Көңілі жаманды құдай табар.
Жақсы үйге түскен - келін болады,
Жаман үйге түскен келін - келсап болады.
Жақсыдан шарапат, жаманнан кесапат.
Өмірде жаман адам болмайды, тек тілін таба біл.
Жаман айғыр үйірсек,
Жаман күйеу қайынсақ.
Жаман кісі тақпақшыл,
Жаман сиыр соқпақшыл.
Сөйлей білмес жаман сөзді өзіне келтірер.
Жаман сайға су түссе, өткел бермес көшуге,
Жаман кісіге мал бітсе сусын бермес ішуге.
Жақсы - текшіл,
Жаман - кекшіл.
Жаман адамды жасауыл қойсаң, үстіңе жау келтірер.
Жақсы да жаттық жоқ,
Жаман да жақындық жоқ.
Жаман ат қамшыласаң өрге шаппас,
Жақсының жаман адам бабын таппас.
Жақсыдан тиер шапағат,
Жаманнан тиер кесапат.
Жаман шоқпар жинар.
Жаман еркек той бұзар,
Жаман әйел үй бұзар.
Екі қатын алғанның дау үйінде,
Жаман қатын алғанның жау үйінде.