👈 қаріп өлшемі 👉

Өнеге туралы Мақал-мәтелдер ✍️


Мақал-мәтелдер: 188
Өлеңдер: 10
Нақыл сөздер: 8
Туындылар: 2
Әңгімелер: 3
Ертегілер: 1
Аңыздар: 1

Өзінің қисықтығын білмеген
Өзгенің түзулігін білмейді.
Жұпары бар жігіттің
Жанында жүр,
Жұтары бар жігіттің
Малында жүр.
Ұят жүрген жерде
Абырой төгілмейді.
Абырой бар жерде
Ар шапаны сөгілмейді.
Тәрбиелі кісі —
Қант қосқан жармадай,
Тәрбиесіз кісі —
Шаң боратқан арбадай.
Әдепсіз бала
Ауыздықсыз атпен тең
Ақылды кәрия
Жазып қойған хатпен тең.
Сыйластық екі жаққа бірдей.
Ақшаңнан айрылсаң,
Өкінерсің, күйінерсің.
Арыңнан айрылсаң,
Қайтып тірі жүрерсің.
Қолағашың мықты болса,
Киіз қазық жерге кірер.
Жігітті — сын шыңдайды.
Тонының жылылығын иесі біледі.
Көсеуі қысқаның қолы қүйеді.
Зор шортан шапса,
Қармағыңды әкетеді.
Зормен ұстассаң,
Бармағыңды әкетеді.
Жас жастың тілегі бір.
Жібектің түйіні бір.
Құрмет етсең,
Құрмет көрерсің.
Әдептің не екенін,
Әдепсіз адамды көргенде ұғарсың.
Бетегеден биік,
Жусаннан аласа.
Жоқ болсаң — жасыма,
Тоқ болсаң — тасыма.
Ақымақтан арқан бойы алыс жүр,
Тұрлаусыздан тұсау бойы алыс жүр.
Ақпейілдің аты арып, тоны тозбас.
Жеңіл желек
Жел шақырып тұрады.
Биік ағаш бұрын құлайды.
Сұраған алады,
Іздеген табады.
Көшуден бұрын,
Керуен басыңды сайла.
Қарыз алудан бұрын,
Береріңді ойла.
Кішіпейіл болғанмен,
Кішірейіп кетпейсің.
Өр көкірек болғанмен,
Ұлылыққа жетпейсің.

Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы