Молда туралы Мақал-мәтелдер ✍️

Ілмек бойынша іздеу:

Басқа: 1
Мақал-мәтелдер: 22
Жұмбақтар: 1
Өлеңдер: 44
Нақыл сөздер: 2
Туындылар: 1
Әңгімелер: 39
Ертегілер: 1
Анекдот, әзілдер: 2

Молда соқыр болса-мешіт жабылады.
Балаңды ордаға бер, немесе молдаға бер.
Әкімменен қарсы болсаң, күнің жаман,
Молдаменен қарсы болсаң, дінің жаман.
Арам молда аңқау елді алдап жер.
Азан айтпақ молданың ісі.
Азансыз молда болса да,
Қазансыз қатын болмайды.
Жалғыз молда – жарты адам,
Екі молда – бір бүтін.
Ақы төлемесең, молда үйіңе жоламайды.
Бір молданың басы ауырса,
Бар молданың басы ауырмас.
Дүмше молда - ел бұзар.
Құдай бергенді молда бермес.
Мың надан сопыдан, бір ілім молда артық.
Екі молда бір кісі,
Бір молда жарты кісі.
Шала молда дін бұзар.
Шала молда шарық айтар.
Тентек молда телмірген өгіз.
Алла бермегенді, молда бермейді.
Молдаға жағайын десең,
Азаның болсын.
Қазыға жағайын десең,
Қазаның болсын.
Молда өзін бір алдайды,
Өзгені екі алдайды.
Аюға намаз үйреткен – таяқ,
Молдаға намаз үйреткен – тамақ.
Өлеңді жерде
Өгіз семіреді,
Өлімді жерде
Молда семіреді.
Молдамен жолдас болсаң, намазың қаза болмас.
Ұрымен жолдас болсаң, қазаның таза болмас