👈 қаріп өлшемі 👉

Бай туралы Мақал-мәтелдер ✍️


Мақал-мәтелдер: 110
Жұмбақтар: 1
Өлеңдер: 53
Нақыл сөздер: 38
Туындылар: 1
Әңгімелер: 66
Ертегілер: 6
Анекдот, әзілдер: 5
Аңыздар: 18

Бай қарасын сатар,Байғұс баласын сатар.
Өзбек байыса там салады, Қазақ байыса қатын алады..
Сатып алар арзандыБай емеспін мал-жанды.
Аузы қисық болса да,Байдың қызы бай таңдар.
Байғұс тигенін жейді,Бай сүйгенін жейді.
Бай саудагер болып ата-анамды ұмыттым.
Көлдің - тақырға айналуы оңай,Байдың - пақырға айналуы оңай. 
—  Шерхан Мұртаза
Байға - мал қымбат, кедейге - жан қымбат. 
—  Ғабит Мүсірепов
Би баласы биге ұқсар,
Биік-биік тауға ұқсар.
Хан баласы ханға ұқсар,
Қанатын жайған қазға ұқсар.
Бай баласы байға ұқсар,
Байланбаған тайға ұқсар.
Батыр болып, бай болсаң,
Патшадан нең кем?
Жарлы болып, бек болсаң,
Келекеден нең кем?
Батыр ортақ, бай ортақ,
Төресі әділ хан ортақ.
Қараңғы үйдің ішінде
Шалқымай жанған шам ортақ.
Барын жемей бай өледі.
Байлар ашты тоқ санар,
Аш жаманын жоқ санар.
Байлардың сыйлығынан
Кедейдің сабыр еткені артық.
Байлығы тайған бек
Жұртсыз күн көре алмайды.
Баймен айтыспа, палуанмен күреспе.
Байменен алысып болмас,
Терекпенен күресіп болмас.
Бай бір борандық,
Батыр бір оқтық.
Бай кісіде ақша көп болғанмен,
Ізгі ниет жоқ болады.
Бай қайырлы болмаса,
Бар малынан айрылар.
Мал бетіне қараған
Жарынан айрылар.
Бай қасына көшіп бар да,
Байымасаң, маған кел.
Қу қасына көшіп бар да,
Қурамасаң, маған кел.
Бай мақтанса, табылар,
Әрнәрсенің, қоры бар.
Жоқ мақтанса, шабылар,
Маңдайының соры бар.
Бай мақтанса, май табылар,
Жоқ мақтанса, не табылар.

Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы