Пәле туралы Мақал-мәтелдер ✍️

Жамандықты көп қуған,Бір пәлеге жолығар.Жақсылықты көп қуған,Бақ-дәулетке жолығар

Пейілі жаман пәлеге жолығады,Бітпейтұғын жалаға жолығады

Үндемеген үйдей пәледен құтылады

Сөз қуған пәлеге жолығар,Шаруа қуған қазынаға жолығар

Басқа пәле – тілден

Аққа пәле жуымасЖуымас аққа пәле деген сөз бар,Қалас боп құтыларсың бір күн ақыр...(Мәшһүр Жүсіп Көпейұлы "Мәшһүр Жүсіптің Мәдиге сәлемі").

Сен жылама "Бұл жігітке бардым" деп,Ол жыласын "Бір пәлеге қалдым" деп.

Білмеген мың пәлеге тұтылар,
Білген мың пәледен құтылар.

Басына бәле тілеген адам
Сұлтанның сөзін қайырар.

Басқа келген пәледен
Бастан құлақ садаға.

Басқа пәле қайдан-ды?
Басқа пәле тілден-ді.

Білімді әр пәледен құтылар.
Білімсіз мың пәлеге тұтылар.

Пайдаға жүгірген,
Пәлеге жолығар.

Пейілі жаманға пәле жолығады.

Қотыр қолдан жұғады,
Пәле тілден жұғады.

Тыймаған ауызда пәле бар.

Сөз қуған — пәлеге жолығар,
Шаруа қуған — қазынаға жолығар.

Басқа пәле тілден.

Ұстамен жақын болсаң
Ұстарасын аларсың.
Мүттайыммен жақын болсаң
Пәлесіне қаларсың.

Пәлелі жерді баспа,
Басыңа түссе, саспа.