👈 қаріп өлшемі 👉

Ағайын туралы Мақал-мәтелдер ✍️


Басқа: 1
Мақал-мәтелдер: 102
Тақпақтар: 1
Өлеңдер: 86
Жаңылтпаштар: 2
Нақыл сөздер: 18
Құттықтау, тілектер: 6
Баталар: 5
Туындылар: 1
Әңгімелер: 9
Ертегілер: 3
Аңыздар: 1

Ағашты желім қосады, Ағайынды келін қосады. 
Тату болса – ағайын жақын,Адал болса – дос жақын. 
—  Қазыбек би Келдібекұлы
Бар ағайын асырай алмайды,
Жоқ ағайын көре алмайды.
Арғымағың жамандап,
Кәні, бұдан тапқаның.
Ағайынды жамандап,
Кәні, туған тапқаның.
Ағайын алыста болса, кісінесер,
Жақында болса, тістесер.
«Ағайын!» десе, аң қарадық,
«Қайын» десе, тез қарадық.
Ағайынға қадірің болмас,
Күнде бетіңді көреді.
Әйелге қадірің болмас,
Етіңді көреді.
Ағайынды алқалап құрмет көрсет.
Ағайынды қарындас, жең үшінен жалғасыңдар.
Ағайынның ұрысы — торқаның жыртысы.
Ағайын-туған кімде жоқ,
Сыйласпа, жаттай жоқ.
Ауруын жасырған өледі.
Ағайынын жасырған бүлінеді.
Ағайынды болсаң да,
Ажалды екеніңді ұмытпа.
Төске айылдың батқанын
Иесі білмес, аты білер;
Ер жігіттің қадірін
Ағайын білмес, жат білер.
Ағайынға қадірім жоқ бетімді көреді,
Қатыныма қадірім жоқ етімді көреді.
Артқы айылдың басқанын иесі білмес, ат білер,
Ағайынның азғанын жақын білмес, жат білер.
Бар болсаң ағайының көре алмайды,
Жоқ болсаң "мә, саған" деп бере алмайды.
Көсеу ұзын болса, қолың күймес
Ағайының көп болса адам тимес.
Арғымақты жамандап, кәні, тұлпар тапқаның,
Ағайынды жамандап, кәні, туған тапқаның.
Танымас, танымасын сыйламас.
Қарындасқа бұрмағанның қары сынсын.
"Сіз", "біз" - деген жылы сөз,
Ағайынға жарасар.
Ағайында өкпе бар да, кек жоқ.
Ағайын туған кімде жоқ,
Сыйласпаса одан жат жуық.

Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы