👈 қаріп өлшемі 👉

Біліктілік туралы Мақал-мәтелдер ✍️


Мақал-мәтелдер: 18
Нақыл сөздер: 2

Білікті кісі — баға жетпес алтын,
Біліксіз кісі — бес тиын бақыр.
Білікті кісі тәнінен ет сыдыртып,
Біліммен жанын семіртер.
Біліктіден шыққан сөз — әдеп үлгісі.
Біліктіні білігі үшін сыйлайды.
Біліктінің сөзі — жанып тұрған жас гүл.
Біліксіз бас майсыз жілік сияқты көдек келеді.
Біліксіз биік болса дәулетімен,
Білікті биігірек сәулетімен.
Біліксіз досыңнан,
Білекті дұшпан артық.
Біліксіз кісі ауру іспетті,
Ауруды емдемесе, тез өледі.
Білікті адам жұрт тынғанда сөйлейді.
Білікті адам керекті сөзін ғана айтады,
Керек емесін бүгіп қалады.
Білікті адам қайда барса да, төрге шығады.
Білікті адам сөйлемей-ақ білініп тұрады.
Білікті білім біліп, зерделі ұғар,
Жүзеге осы екеуі алып шығар.
Білікті біліп айтар, сөзін ұтар,
Ол емес бос сөзіңді бедел тұтар.
Білімсіз не айтса да, білмей айтар
Өз тілі өзінің кеп басын жұтар.
Білікті бір айтар,
Бір айтса да нық айтар.
Білікті адамның сөзі - таза гүл.

Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы