Қу туралы Мақал-мәтелдер ✍️

Ілмек бойынша іздеу:

Мақал-мәтелдер: 16
Жұмбақтар: 1
Тақпақтар: 1
Өлеңдер: 14
Жаңылтпаштар: 2
Нақыл сөздер: 5
Әңгімелер: 29
Ертегілер: 6
Аңыздар: 1

Жолдас болма қуға,Басың қалар дауға
©  Самет Оқанұлы
Той десе, қу бас домалайды.
Тастан таспа алған қу.
Өзiнiң қасиетiн жасыратындай дәрежеде әлi ешкiм қу болған емес.
Білім — байлық таусылмайтын, бітпейтін,
Ұры-қары, қу жоқ оны үптейтін.
Бәрің бірдей қойшы болма,
Құл боларсың.
Бәрің бірдей тойшы болма,
Қу боларсың.
Бай қасына көшіп бар да,
Байымасаң, маған кел.
Қу қасына көшіп бар да,
Қурамасаң, маған кел.
Ақсұңқардың баласы алтау болар,
Бесеу болар, ішінде біреуі қу болар.
Қу ала алмаған жаманы
Құладынға қор болар.
Көп жортқан қу түлкі,
Қолға түспей қоймайды.
Адал еңбек елге жеткізер,
Арам қулық елден кеткізер.
Қудан —үйрен,
Сұмнан — жирен.
Аю — аңғал,
Түлкі — айлакер.
Батыр мақтанса,
Жауға шапқанын айтар,
Қу мақтанса,
Алдап қаққанын айтар.
Өте қу болсаң,
Мойныңнан асыларсың,
Өте момын болсаң,
Аяққа басыларсың.
Қуды қу табады,
Шұқанақты су табады.
Жолдас болсаң қуға
Басыңды салар дуға.