Өлеңдер ✍️

Қайратқа

Өлеңдердің бәрі қайық желкені ақ,
Өмір, өмір – мынау өмір көркем-ақ!
Өзімізді бір-бір шыңға балаймыз,
Бір-бір төбе боламыз біз ертең-ақ.
Шіркін, сол сәт топыраққа
Жұп-жұмсақ бір қол тиіп,
Бір сұлу қыз келіп тұрса өмір болып монтиып.
Сонда екеуміз құс тілінде ән салар ек қосылып,
Өлең оқып тұрар едік томпиып.
Пенделерге теңемеймін сені ешбір,
Екеуміздің қуғанымыз елес бір.
Өңкей сыншы жиналып ап айтатын
Пессимизм емес бұл.
Албырт, аңғал, әрі ақ көңіл досым-ай,
Бұл жолдарды қайта оқышы шошымай.
Ақын болып тумауымыз керек еді о баста,
Жыр жазбасақ осылай.