👈 қаріп өлшемі 👉

  Өлеңдер ✍️

  21.09.2022
  17


Автор: Аманғазы КӘРІПЖАН

Біз білетін құрбандар

Тарихымды таң қылмай қанды азап түк,
Санамызбен байланып заңда жаттық.
Ел тәуелсіз болды ма,
Тас түрмеден
Марқұм Қайрат алса да мәңгі азаттық?
Көңіл айтып егілді ғарыш күнге...
Күн перзенті – Ерболым таныс кімге?
Танымаған өзіндей жаралы елмен
Қоштасты да көз жұмды ол хал үстінде.
Намысымен жұлқылап қазақты алға,
Кетті үзіліп, Сәбира, Ләззаттар да.


Төздік бұған,
Әйтсе де іштегісін
Айта алмаудан өтетін азап бар ма?
Сұрақтарға тұншығып ғалам бүгін,
Боздақтарға ілесіп жоғалды мұң.
Кісендеулі санаға жете алмастан
Кісендеулі күйінде қамалды ұғым...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы