Өлеңдер ✍️

  21.09.2022
  87


Автор: Аманғазы КӘРІПЖАН

Алаңдағы мiнбеге. 1986 жыл.

Саған шерлi талай боздақ беттедi.
Заман қатал, ешбiрi оның жетпедi.
Тарих тонын мың өзгертiп жатса да
Өктемдiктiң сұсы сенен кетпедi.
Желтоқсанда мен де сенi тiл үшiн
Маңайлап ем, кеңiмедi тынысың.
Қозғалысты қобалжытып тұрады
Қорқыныштан жаратылған тұрысың.
Желкеңдегi жалтақ бiткен сарнап құр,
Сұсың шындық атаулыны қарғап кiл,
Кезек күткен көп саясат ырқынан
Сенi бейқам мылқаулығың қорғап тұр.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу