Өлеңдер ✍️

  19.09.2022
  67


Автор: Ғұсман Жандыбаев

Көргенiмнен көрмегенiм көп менiң...

Көргенiмнен көрмегенiм көп менiң,
Ертеңiме бiр ескерту – өткенiм.
Түкке алғысыз – тындырдым деп кеткенiм,
Қайран уақыт өтiп жатыр теп-тегiн.
Өткен күнiм – бүгiн, бейне, балалық,
Жеткен күнiм – айтады ақыл ағалық.
Қара шашым түзетумен қатемдi
Өтер ме екен ағарып!
Өмiр жолы – ойқы-шойқы, бұралаң,
Ерлiк екен – құтылу да күнəдан.
Өлiп-өшiп өзiм сүйген кей қыздың
Менi елемей кеткенiне қуанам.
Менi өзiңе жарық жұлдыз етiп ең,
Кейiмешi, күнəсiз жан, өтiнем.
Өз қасыңнан көздi жұмып өтiп ем..
Бейқам, бейпiл күндерiме өкiнем.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу