👈 қаріп өлшемі 👉

  Өлеңдер ✍️

  19.09.2022
  34


Автор: Гүлайша Ерахмет

Күн де жазықты, есік те мінді...

Күн де жазықты, есік те мінді,
Ырымыменен бойжеткендердің –
Келемін деп ең... Кешіккеніңді,
Үстіме киген көйлектен көрдім.


Жазықты етуге ештеме қалмай,
Көп тартқаны үшін қабақтан көрдім.
Уəделі шақты еске де алмай,
Жүрмей қойдың деп сағаттан көрдім.
Тез кел деуге де батына алмаймын,
Сенемін бірақ, сен келедіге.
Кінəлі сынды... Жасыра алмаймын,
Темір көліктің дөңгелегі де.
Жазықты болған жап-жалтыр жолда,
Жадырай күліп келесің бе əлде?!?
Сағындырсаң да сарғайтып қойма,
Тастамас жігіт уəдесін жерге...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы