Өлеңдер ✍️
Өлеңдер ✍️
17.09.2022
3146
Менің атам
Жұрттың бәрі мақтаған,
Менің атам жақсы адам.
Сыйлайды оны көршілер,
Құрметтейді ақ мамам.
Мен де жақсы көремін,
Екі етпеймін дегенін.
Көмектесем киінсе,
Таяғын ап беремін.
Айтып қызық ертегі,
Домбырасын шертеді.
Шыға қалса көшеге,
Мені-дағы ертеді.
Үйде тыныш жатпайды,
Бақты күтіп баптайды.
Қолындағы тәттіні
Маған арнап сақтайды.
Әлеуметтік желілерде бөлісіңіз:
Facebook | VK | WhatsApp | Telegram | Twitter