Өлеңдер ✍️
Өлеңдер ✍️
17.09.2022
113
ЖАПЫРАҚ – ЖЫРЫМ
Құны қалмай қара бақыр,
Сұлулықтың сағы сынды.
Саудагер – күн санап жатыр
Жырымды емес, табысымды.
Жаным ауыр жалықты ойдан,
Жабырқайды жетім-жырым.
Көшкен жұртта қалып қойған
Алтын сақа секілдімін...
Өзегімді өртеп кей күн,
Әлдекімге өштенемін...
Сұлулыққа селт етпейтін,
Саясаттан сескенемін.
Жаңа қоғам қолдаса екен,
Ақындықтың парқын ұғып.
Жапырақ-жырым солмаса екен,
Саясаттың салқыны ұрып.
Әлеуметтік желілерде бөлісіңіз:
Facebook | VK | WhatsApp | Telegram | Twitter