Өлеңдер ✍️

  16.09.2022
  108


Автор: Танакөз Толқынқызы

Есіміңнің әрбір әрпін сүйемін...

Есіміңнің әрбір әрпін сүйемін,
Есігімнен келетіндей Сіз кіріп.
Өзіңіздей құдіретке ие кім?
Аят сынды әлпештеймін үздігіп...
Айтайын деп ойладым ба бұлай сыр?
Аман қалған шық секілді құламай...
Сізді сүйген жүрек сондай құдайшыл,
Есіміңді оқи берем дұғадай.
Біз тағдырдың өзгертпейміз шешімін,
Құдайды ойлап сен де мендей жүдедің.
Өзің кетсең, қалар менде есімің,
Қалар және тым құдайшыл жүрегім.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу