Өлеңдер ✍️

Қайғы-мұң деген шартты ұғым,
Дей алман одан тайсалдым.
Құдайдың берген әр күнін,
Қуанышпенен қарсы алдым.
Шексем де азап жаста да,
Ұмтылдым алға жұбанып.
Тіпті жалған махаббатқа да
Қарадым қатты қуанып.
Ауру-сырқат келсе де,
Болмадым әлсіз, жылауық.
Жұмысшы үлкен мәртебе,
Кірістім білек сыбанып.
Көз салсам өткен күндерге,
Таңданып басты шайқаймын.
Риза екен халқым біздерге,
Жүздерден жарқын байқаймын.
Бақытты жансың дегенге,
Жымиып иек қағамын.
Өмірдің сыры тереңде,
Білгенге мақтанамын.