Өлеңдер ✍️

  12.09.2022
  79


Автор: Бижан Қалмағанбетов

ТУҒАН ТІЛІМ – ИМАНЫМ

Туған кезде жас жанымды,
Күйіңменен тербеттің.
Сүйем көкшіл аспанымды,
Өз тіліммен ержеттім.
Әліппе алып оқыдым мен,
Аң – білімдер негізін.
Көңілге оны тоқыдым мен,
Кешіп өмір теңізін.
Сақтай білсең бөлмеңдегі,
Сиқырлы гүл солмайды.
Сөздердің бар зергерлері,
Өз тіліңдей болмайды.
Дей алмаймын ғайып болып,
Бөтен тілдер жоғалады.
Теңіз кешіп қайық болып,
Туған тілім оралады.
Гүлге қажет күтімділік,
Суға берер батасын.
Араласып шүкір ғылып,
Барша тілдер жасасын!
Несіне оны жасырамын,
Ән-сезімді тыймадым.
Ана тілім – бесік әнім,
Туған тілім – иманым.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу