Өлеңдер ✍️

  12.09.2022
  99


Автор: Бижан Қалмағанбетов

ТЕМІРЛАНҒА

Бәрімізді қуанышқа бөлеген,
Сүйкімді едің осыншама не деген!
Сен де, міне, Темірланым, талпынып,
1-ге толдың астаналық немерем.
Көңілің қош, болсын әркез бас аман,
Жебеп жүрсін сені әрдайым жасаған.
Сен алаңсыз отбасында өсе бер,
Нұрын төгіп, қасыңда боп ата-анаң.
Тұлпар болсаң шаларсың да жолды анық,
Өзің жайлы жалғанады алға үміт.
Нағашылар келсе үйіңе көтеріп,
Жүргені ылғи сені айналып-толғанып.
Ризамын жеткеніме бүгінге,
Қиналсаң да ұмтыл алға, түңілме.
Құтты болсын, тұсауыңды кесеміз,
Қазір құла, ал өмірде сүрінбе!
Өзіңе арнап әсем жырды шертемін,
Қарайламас өтер жылдар, келте күн.
Денің сау боп, қанатыңды қаға бер,
Алдыңда әлі болашағың, ертеңің




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу