Өлеңдер ✍️

  12.09.2022
  91


Автор: Бижан Қалмағанбетов

ШЕЖІРЕЛІ ҚЫЗЫЛҚОҒАМ

Өскен өлкем – бақытымның қайнары,
Тың серпіліс, қайта түлеп, жайнады.
Ер Махамбет ат ойнатқан мекен бұл –
Шежірелі Қызылқоға аймағы!
Қайырмасы:
Мұнда ержетіп, аштым мектеп есігін,
Ұстаздарым жасаған сан кешірім.
Қайда жүрсем сағынышым өзіңсің,
Туған жерім жүрегімде есімің.
Самғатқандар арман, мақсат, қиялын,
Шықты ауылдан жазушы-ақын, зиялым.
Ізі қалған бал-балалық шағымның,
Құшағың кең ұрпағыңа Миялым.
Қайырмасы.
Туған жерім кішігірім Отан да,
Құстай ұшып жетем саған қашан да.
Халқың аман, биік болсын мерейің,
Мынау уақыт қарқынымен бас алға!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу