Өлеңдер ✍️

Əже болдым асқанымда қырықтан,
Сүйіншілеп атты сол күн күліп таң.
Сияр емес қуанышым кеудеме,
Толқын атқан секілді бір тұнықтан.
Əже болдым – таудай үлкен қуаныш,
Осы бір сəт елестейтін түу алыс.
Бізге ермек бұл бір жанды қуыршақ,
Көңілге күй, жүрегіңе қуаныш.
Үні қандай, үлбіреген нəзік тым,
Ұйықтай берер, көп тілемес азықты.
Қолшатырдай қолдан қолға көшеді,
Айтпайды ешкім: «мынау бізді қажытты».
Əже атандым асқанымда қырықтан,
Содан бері атады ылғи күліп таң.
Екі бірдей балапаным бар менің,
Кей күндері жыр жазуды ұмытқам.