Өлеңдер ✍️

Ақын жаны арнадан,
Асып жатқан теңіз ғой.
Түсінетін бар ма адам,
Жыр мен ақын егіз ғой.
Ақын жаны самал ғой,
Елдің жібек аруы.
Алынбас ақын қамал ғой,
Қолында қалам – қаруы.
Ақында бар асқақ ой,
Жеткізбес желге қуса да.
Ақынның орны басқа ғой,
Анадан тең туса да.
Көңілі Күндей биік қой,
Сəулесін шашқан көктегі.
Ақынды қыздар сүйіп қой,
Болмайсың оған өкпелі.
Көбейтпей-ақ өкпені,
Ұғысуды біл өзің.
Аумалы да төкпелі,
Түсін ақын мінезін.