Өлеңдер ✍️
  07.09.2022
  62

Автор: Ермұрат Зейіпхан

Ауыр жүк және ауыр ой...

Ауыр жүк және ауыр ой,
Ғұмырымның жолдасы.
Әпермейдi екен абырой,
Тегi жаяуға – жорғасы.
Жақыннан жаттық сезген соң,
Жарылқар ма екен бөтен ел.
Тау тұрады белден соң,
Сезiмi сергек – өтедi ол.
Ауыр ой және ауыр жүк,
Санатар әр адымды.
Таусылмаймын абыржып,
Жалдамаймын жадымды.
Сауап қой алған әр демiң,
Көкiрек көзiң ояуда.
Жер-су баспас әлде кiм,
Ойланар қарап жаяуға.


  Ауыр жүк Ермұрат Зейіпхан өлеңдері Ермұрат Зейіпхан

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Жағалағаның алалағаның секiлдi... ᐈ
  ОТЫЗЫНШЫ ЖЕЛТОҚСАН ᐈ
  МЕН ЖӘНЕ МУЗА ᐈ
  Ойлаумен есiлген өлеңiм... ᐈ
  МӨДЕ ХАННЫҢ СӨЗI ᐈ

Пікір жазу