👈 қаріп өлшемі 👉

  Өлеңдер ✍️

  06.09.2022
  36


Автор: Зейнолла Тілеужанұлы

ҚАҢБАҚТЫҢ МОНОЛОГІ

Тағдырына қаңбактың,
Күлемісің, ақыным?
Қаңбақ болу қайғысын,
Білемісің, ақыным?..
Бізді Тәңір!
Тәлкек қып,
Дарқан ДАЛА сыйлаған!
Өзің туған ДАЛАҒА,
Қорлық екен сыймаған!..
Қожам менің – КӨК ДАУЫЛ!
Қуып жүрген құрық ап,
Панам менің түнгі сай,
Қорқау қасқыр ұлыған...
Адамдардай айқаста,
Құлар едім оқ тиген!..
Отқа түсіп қорғайтын...
Қайран Отан жоқ мүлдем!
Ей, көк атты, жүре бер,
Өз жолыңмен көсілген!..
Менде сендей ел бар ма,
Ерке бота өсірген?..
Тозып ұшқан торғайдай,
Тағдырымыз қосылмай,
Мен қаңбақпын, бауырым!
Қаңбақ деген осындай...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы