Өлеңдер ✍️
  06.09.2022
  87

Автор: Ахат ӘШУҰЛЫ

Алыста тұр

Қиял қиян шалады құспен еріп,
Аспанымды бояусыз түске көміп.
Құлазимын, көңілім бейне менің –
Жәннат іздеп тауынан түскен елік.
Белгісіздеу бір жойқын күшпен еріп,
Албырт арман барады іштен өліп.
Шөлде қалды жәудіреп екі көзі,
Таудың ғана тұмасын ішкен елік.
Неге, неге жасындар жанады көп,
Көңілімнің дауылы барады үдеп.
Көп болды ғой арманға жүгіргелі,
Алыста тұр бұл күнде бақ әлі де...



Ақпан 1999ж.


  Ахат Әшуұлы өлеңдері Ахат Әшуұлы алыс

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Қинама мені ᐈ
  Апа, менің түсіме кірдің бүгін ᐈ
  Өз үйім ᐈ
  Туған жерім Шәкүрті ᐈ
  Таулықпыз ᐈ

Пікір жазу