Өлеңдер ✍️
Өлеңдер ✍️
02.09.2022
86
Сіз - ғұмырлық шер болдыңыз...
Сіз - ғұмырлық шер болдыңыз,
Күлкі, мұңға тел болдыңыз.
Көз жасымнан көл жасағам -
Қайық болып тербелдіңіз.
Біз бірігіп егілмедік,
Арман кетті шөлімде өліп.
Қапым тауып қадалдыңыз,
Пешенеме шөгір болып.
Мысқылдайды жайнаған көк,
Кімдер серттен таймаған деп.
Сізге тым-тым жақын келем
Мәңгі жатқа айналам деп.
Сынық қанат кептер едім.
Бұйырмады көктен өлім.
Сіз едіңіз жаралаған,
Сондықтан да жек көремін.
Әлеуметтік желілерде бөлісіңіз:
Facebook | VK | WhatsApp | Telegram | Twitter