Өлеңдер ✍️

Құлынмен тайдай тебіскен,
Əзіл мен назы келіскен.
Жан болып сағы сынбаған,
Сындардан өткен жеңіспен.
Бақыт пен шаттық қуғаны,
Шалқыған күнде думаны.
Шырқалған əнім туғалы,
Достарым, өзің туралы.
Жүрсең де қиыр – шалғайда,
Сендердей ыстық жан қайда!
Көңілден толқын əн ескен,
Кетерме жас шақ əлі естен.
Орнымды менің басты ма,
Жарың мен жалын нəрестең.
Еліме еңбек етем деп,
Əр жерде қалдың – мекендеп.
Достарым, күнде тілеймін,
Аман-сау жүрсең екен деп.
Жүрсең де қиыр – шалғайда,
Сендердей ыстық жан қайда!