Өлеңдер ✍️

Жаманға ісің түссе егер –
Жар-жаһан тұрғандай-ақ уысында,
Пенде боп көрмегендей туысында,
Тұрады зауқы соқпай сөйлесуге,
Жақындап сеніменен жұғысуға.
Паңси ма,
Пəлсіне ме көкке қарап,
Кей ісіңді еске салып өткен ағат,
Өзінен өзге білгір адам жоқтай,
Сөйлейді ақыл-ойын көпке балап.
Байқатып басқаларға өкімдігін,
Моралін өз əлінше оқыр бүгін.
Сөйлейді көп атынан көсемсініп,
Алғандай дүйім елдің өкілдігін.
Осылай кейбіреулер балақтағы
Басқа шауып,
Жанға дақ салад тағы.
О, тəңірім, алсаң ал – бергеніңді,
Тек сондайға күнімді қаратпағын.