Өлеңдер ✍️

  27.08.2022
  72


Автор: Есләм Зікібаев

Шығандап кетпесең де асып елден

Шығандап кетпесең де асып елден,
Достарың көп қамалап қасыңа ерген.
Кəдуілгі азаматтық құжат алар
Соқталдай жігіт болдың жасы келген.
Тепкенде домалардай тасың өрден,
Өміріңе жаңа бір ғасыр енген.
Атаңды тек тыңдамай, ақыл да айтар
азаматсың он алтыға жасы келген.
Өмірде қанша күрес, қанша майдан,
Жақсылығың жайнасын жан сарайдан.
Сені бір қыр асырып жіберсем деп,
Балапандай баулыдым қаршадайдан.
Жақсыңды жақын тұрмақ, жат білерін,
Өнеріңе қуанып, шат күлерін
ұғатұғын жастасың, балапаным,
ұша бер биігіңе, бақ тіледім.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу