Өлеңдер ✍️

Көрдім сенен мәңгілік өмірімді,
Бөлдім саған сол үшін көңілімді.
Көздеріңнен сүйейін алғаш рет,
Өбейінші гүлшырын ерініңді.
Еркетайым ешқандай қылымсыма,
Жараспайды бойыңа мұның сірә.
Мен сенен тілейінші тәтті сезім,
Сен менен көктеменің гүлін сұра.
Аққудай сылаң қағып сылқым денең,
Сезімің ақ торғындай үлпілдеген.
Көңілімді берсеңші шомылдырып,
Бұлақтың тұнығындай күлкіңменен.
Жүрегімді барады шөл де қысып,
Қалайыншы тіліңнен шербет ішіп.
Ақ қанат өлең саған кетті асығып,
Көңілімді таңертең тербеп ұшып.