Өлеңдер ✍️

  20.08.2022
  83


Автор: Хамит ЕСЕМАН

Болмайды бүгін күй боп шертілмесем...

Болмайды бүгін күй боп шертілмесем,
Сыр болып ашылып бір еркіндесем.
Ұға алмадым біздегі махаббатты,
Сол күні тұра алмадың сертіңде сен.
Үзгің келмей ашылған гүліңді ерте,
Қия алмадың бойжеткен күніңді ерке.
Он сегізің жанымды сыздатады,
Сен менің кеудемдегі мұңымды өрте.
Білсең ғой азабыңды шеккенімді,
Тағдырымнан мұң аулап кеткенімді.
Сыбызғылы сәуірді сүюші едің,
Күтіп келген шығарсың көктеміңді.
Өміріме жіберіп паң күз сынақ,
Сонда қалған жайым бар жалғызсырап.
Маңдайымды білмейді ешкім менің,
Жағдайымды тұрғанмен бар қыз сұрап.
Шайыр емен шайқалтар жыры көпті,
Сезімімнің сен деген сыры кетті.
Ғашық жардың сыйлаған мұңы әдемі,
Сұлу қыздың серті де құдіретті...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу