Өлеңдер ✍️

Аллаға болсын құлдығым...
Төрт кітапта айтқан он сегіз мың ғалам шындығын.
Жеті қат жердің үстінде өмір зырлайды,
Періштелер мен ақындар көрмей бір-бірін.
Күн батып, тағы таң атып,
Ән салсын құстар жұртты өзіне қаратып.
Жеті қат көктен ақ періштелер түседі,
Ақындарға өлең таратып.
Таңсәріде жазып қойған хатым бар,
Халайық, соны оқыңдар.
Ақ өлең көкке құс болып ұшып кетеді,
Кездескен күні періштелер мен ақындар.