Өлеңдер ✍️

  20.08.2022
  110


Автор: Серік Ақсұңқарұлы

– Ұш! – дейді Уақыт сыпырып томағасын...

– Ұш! – дейді Уақыт сыпырып томағасын,
Фәнилік сапарыңды доғарасың.
Ертегі мен аңызда айтатындай,
Мынау жарық жалғанға қайта тумай,
Сен де, иә, із–түзсіз жоғаласың.
Өзгереді өңір де не түрге еніп,
Дауылына Уақыттың бетін беріп,
Біз қаламыз көп жайды байқай алмай:
Аққулар да кетеді қайталанба,
Тәттімбеттің күйлері секілденіп!
Неткен қатал, сұм тағдыр, керең еді,
Ғашық жанның тілегін елемеді.
Маздап жанып, һәм бықсып сөнбеу үшін,
Барлық қателігіңді жөндеу үшін,
Саған –
Қайта бір туу керек еді!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу