Өлеңдер ✍️

Біз айтамыз сенетіндей өтірік,
Сенген кезде бас шайқаймыз өкініп,
«Қанаттылар қорғалуда» дейміз де
Шетел асар Дуадақ құс, Кекілік
Келе қалса саят жасап арабтық,
Сирек құстың балапанын санаттық,
Сыйға ұсынып Сұңқарларды жыртылып
Қырандарды томылғы сап тараттық.
«Біз қазақтар саят сүйер халықпыз,
Құс әлемін жұрттан бұрын таныппыз»-
дейміз дағы балапанын Бүркіттің,
Еш қиналмай сый қорапқа салыппыз.
Қырандармен қарқ қылу жат елді,
Іштен шыққан жаудай ол да қатерлі,
Біздің елде құс та мұңлық білсеңііз
Мұңлық зары кімге абырой әперді?