Өлеңдер ✍️

  20.08.2022
  101


Автор: Ықылас Ожайұлы

КАТАРСИС

Қызыл жүрек,
қан шүмектеп жылашы,
Осы ғана...
Бұл – деректің расы.
Қазақстан – қара мұртты офицер,
Ал ақыл-ой –
Ақбілектің күнәсі.
Осы ғана бұл шындықтың дерегі,
Шыққыр көзің
Көрмесіңді көреді.
Біздің қазақ тым сөзуар,
қайда әлгі...
«Жиен деген ел болмайды» дегені.
Сүті қазақ,
Ал сүйегі кім еді?
Қара мұрттың қаны емес пе бұл өзі?
Қазақ десе –
қам көңілі қабарған
Қазақстан – Ескендірдің мінезі.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу