Өлеңдер ✍️

  15.08.2022
  291


Автор: Сәуле Досжанова

АЙШУАҚТЫ ӨМІРІҢІЗ БАСТАЛДЫ

ҚазҰУ-де оқытқан ұстазым
Намазалы Омашұлына
Ой – шуақты жылдар асып асқарды,
Айшуақты өміріңіз басталды.
Жорналшының даңғылын сап келесіз,
Шәкірт етіп қаламы ұшқыр жастарды.
Жағып талай дарындының шақпағын,
Ұстаздықпен сан жүйрікті баптадың.
Айналдырып ұлттың ұлы жолына
Тауағаң мен Темкеңдердің соқпағын.
Бүгінгі күн – ертең тарих, бәрі аңыз,
Журналистпен жаңғырады санамыз.
Бұқараға керек боп тұр құжаттай,
«Алаш көсем сөзі» жайлы жобаңыз.
Әуезовтай, Қабдоловтай Сізді де,
Пір тұтамыз, ісіңізді ізгілеп.
«Ең алғашқы дәріс алған өкшелес –
Шәкіртім ғой», – деп жүргейсіз бізді де.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу