Өлеңдер ✍️

  15.08.2022
  237


Автор: Сәуле Досжанова

БІЗДІҢ СӘКЕҢ

ҚР Парламенті Мәжілісінің комитет
төрағасы Сейітсұлтан Әйімбетовке
Парасаттың лебі ескен тұлғасынан,
Отты жанар бөлейді шұғыласына,
Әзілменен сөйлейді төгілдіріп,
Сонша ізгілік сыйып тұр бір басына.
Ұстанымы – ер екі айтпас болар,
Берген серт пен уәдеден қайтпас болар.
Ел дегенде өзегін жұлып берер,
Ер жігіттің ішінде жайтас болар.
Өр мінезі өзіне жарасады,
Ер мінезі – достыққа жол ашады.
Біздің Сәкең ұсыныс айтқан кезде,
Елбасының өзі де санасады.
Сейітсұлтан!
Затындай ғажап аты,
Тұлабойдан жалындап қазақ оты,
Қасиетті Сыр Ана түлеткен көп,
Азаматтың ішінде азаматы.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу