👈 қаріп өлшемі 👉

  Өлеңдер ✍️

  15.08.2022
  51


Автор: Сәуле Досжанова

АЛДИЯРДЫҢ АТАСЫНА

Қуанышың құтты болсын Маратжан!
Тілеуіңді бергені осы Жаратқан.
Алдиярың атына сай ұл болсын,
Алты алашты ауызына қаратқан.
Арманға сай ата жолын жалғасын,
Заманға сай заңғарларда самғасын.
Ел басқарып, қол басқарып, жол ашсын
Қолбасшының немересі болғасын.
Жалғызбын деп жасымадың өмірде,
Арамдықпен құмартпадың жеңілге.
Бәрін көріп, төзіп тағы келесің
Тұлабойың ұқсап болат темірге.
Жолдасқа – бай, досқа – адал мінезің,
Тербетеді жүрегіңді жыр сезім.
Отырысты дуылдатып кетесің,
Бір рулы елге татып бір өзің.
Бүгін міне екеу болды тірегің,
Қуаныштан жарылардай жүрегің.
Маңдайына бақыт болсын балаңның,
Таңдайымнан шыққан тәтті тілегім.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы