Өлеңдер ✍️

Сөзі мен әнін жазған - автор.
Күннің нұры, ай жүзі - келбетінде,
Келді «іңгәлап» бал бөпе жер бетіне.
Ботақаным тіл-көзден аман болғай,
Шүкір делік Құдайдың бергеніне.
Қайырмасы:
Бала-бағым – жыр-қанатым,
Ең қымбатым – Нұржаннатым.
Ән саламын, тамсанамын,
Аумай қалған түр-сымбатың.
Өсе берші былдыр қағып,
Біздер үшін күлкің – бақыт.
Анаң сенің әлдилеп, ерке етеді,
Әжең бағып, бесікті тербетеді.
Апаң сені әлпештеп, әндетеді,
Атаң сені аялап, әупетеді.
Қайырмасы:
Бала-бағым, жыр-қанатым,
Ең қымбатым – Нұржаннатым.
Ән саламын, тамсанамын,
Аумай қалған түр-сымбатың.
Өсе берші былдыр қағып,
Біздер үшін күлкің – бақыт.
Үлкендерден ақ тілек, батаны ала,
Атана бер ләйім «Ата бала».
Үш жүз алпыс әулие, Бекет бабам,
Қолдай берсін туған жер, Отан-Ана!